Iha loron 05 fulan Setembru tinan 2025, Sua Exelência Presidente Tribunal de Recurso, Dr. Afonso Carmona, hala’o enkontru ofisiál ho INTOSAI-IDI, ADB, Câmara de Contas Tribunal de Recurso, Diretor-Geral, Diretores Nasionáis no Chefes Departamentu Tribunal de Recurso.
Enkontru refere fó atensaun ba tema “Aprendizagem Rápida do SGQA – Sistema de Gestão da Qualidade em Auditoria”, ne’ebé konsidera importante atu aumenta kapasidade auditores husi Câmara de Contas, no fortifika sistema kualidade Auditoria nian.
Atividade ne’e hala’o iha Sala Reunião Tribunal Judisiál Primeira Instância Dili, ho objetivu principal atu hadia kualidade servisu Auditoria, promové boa governansa no fó valorizasaun ba pratika internasionál relevante.