Belu, 24 de Agostu de 2026 — Sua Exelénsia Prezidente Tribunal de Recurso, Dr. Afonso Carmona, partisipa iha Pertemuan Bilateral entre Badan Keuangan Republik Indonesia (BPK RI) no Câmara de Contas do Tribunal de Recurso Timor-Leste, ne’ebé hala’o iha Belu, Província Nusa Tenggara Timur, Repúblika Indonézia.
Pertemuan bilateral ne’e sai nu’udar oportunidade importante ba parte rua atu hametin relasaun institusionál no troka esperiénsia kona-ba matéria sira relasiona ho auditoria, jestaun no fiskalizasaun finansas públikas, transparénsia, akuntabilidade no boa governasaun
Iha enkontru ne’e, Sua Exelênsia Prezidente Tribunal de Recurso, Dr. Afonso Carmona, hamutuk ho reprezentante Câmara de Contas, partisipa iha diálogu ho Badan Keuangan Republik Indonézia, ho objetivu atu fahe esperiénsia no koñesimentu kona-ba papel no responsabilidade instituisaun sira iha garantia transparénsia no responsabilidade iha jestaun rekursu públiku.
Pertemuan bilateral ne’e mós reforsa kompromisu instituisaun rua nian atu kontinua dezenvolve kooperasaun no relasaun institusionál, liuliu iha área auditoria no kontabilidade públika, no kontribui ba fortalese mekanizmu sira ne’ebé promove boa governasaun no jestaun finanseira públika ne’ebé transparente no responsável.
Partisipasaun Sua Exselénsia Prezidente Tribunal de Recurso iha enkontru ne’e hatudu importánsia atribui ba kooperasaun ho instituisaun omóloga iha rejiaun, no mós ba esforsu hamutuk atu promove integridade, transparénsia no responsabilizasaun iha jestaun públika.