Díli, 28 Outubru 2026 – Sua Exelénsia Prezidente Tribunal de Recurso, Dr. Afonso Carmona, partisipa selebrasaun Missa Fúnebre ba Saudozu Sebastião Rangel Gomes, ne’ebé hala’o iha Igreja Motael, Díli.
Partisipasaun Sua Exelénsia Prezidente Tribunal de Recurso iha selebrasaun relijioza ne’e reprezenta kontinuidade husi omenagem no solidariedade ba família, belun no komunidade sira ne’ebé sente lakon Saudozu Sebastião Gomes.
Saudozu Sebastião Gomes iha ligasaun ho memória istórika Timor-Leste, liuliu ho movimentu luta ba independénsia no akontesimentu trájiku 12 Novembru 1991, ne’ebé nafatin sai parte importante husi memória koletiva povu Timor-Leste.
Ho prezensa iha Missa Fúnebre ne’e, Tribunal de Recurso manifesta respeitu no konsiderasaun ba memória Saudozu Sebastião Rangel Gomes, hamutuk ho família no komunidade sira hodi fó omenajen ikus ba nia.
Tribunal de Recurso hato’o kondolénsia no solidariedade ba família enlutada, no hakarak atu Saudozu Sebastião Rangel Gomes deskansa iha dame eterna.