Dili, 27 Outubru 2026 — Sua Exelénsia Prezidente Tribunal de Recurso, Dr. Afonso Carmona, partisipa iha serimónia XIX Conferência dos Ministros da Justiça dos Países de Língua Oficial Portuguesa (XIX CMJPLOP), ne’ebé hala’o iha Palm Spring, Fatuhada, Dili.
Serimónia ne’e mós hetan partisipasaun husi Sua Exelénsia Primeiru-Ministru, membru Governu sira no partisipante sira seluk ne’ebé marka prezensa iha serimónia importante ne’e.
Konferénsia ne’e sai nu’udar oportunidade ida atu hametin kooperasaun entre Países de Língua Oficial Portuguesa, liuliu iha área justisa, liuhusi diálogu, troka esperiénsia no partilla koñesimentu kona-ba sistema judisiáriu no dezenvolvimentu setór justisa iha nasaun membru sira.
Prezensa Prezidente Tribunal de Recurso iha serimónia ne’e reflete partisipasaun instituisaun judisiária Timor-Leste nian iha inisiativa sira ne’ebé promove kooperasaun no relasaun institusionál entre nasaun sira ne’ebé fahe língua Portugés hanesan língua ofisiál.