Iha loron 14 fulan Maio tinan 2026, Sua Exelénsia Prezidente Tribunal de Recurso, Dr. Afonso Carmona, partisipa iha serimónia aniversáriu ba dala 12º husi Polícia Científica de Investigação Criminal (PCIC), ho tema “Fortalecimentu ba justisa no seguransa nasionál hodi kombate kriminalidade organizadu no transnasionál.”
Tema ne’e refleta kompromisu institusaun Estadu sira atu hametin sistema justisa no seguransa nasional, liuhusi kooperasaun entre entidade sira ne’ebé responsavel ba lei no orden públika. Alemde ne’e, tema refere mós enfatiza importánsia atu hasa’e kapasidade investigasaun kriminal, prevene krime organizadu, no hadia mekanizmu kombate krime transnasionál sira hanesan tráfiku droga, tráfiku ema, branqueamentu osan no krime sibernétiku ne’ebé bele ameasa estabilidade no soberania nasaun nian.
Iha oportunidade ne’e, Polícia Científica de Investigação Criminal (PCIC) reafirma nia papel importante hanesan instituisaun investigasaun kriminal científica ne’ebé kontribui ba aplikasaun lei ho transparénsia, profesionalizmu no responsabilidade atu garante justisa ba sidadaun hotu-hotu.
Iha serimónia refere, Polícia Científica de Investigação Criminal (PCIC) mós halo lansamentu ofisiál ba pájina website institusaun nian, ne’ebé hetan apoiu husi governu Australia. Website ne’e bele fasilita no asesu informasaun públika, hasa’e transparénsia servisu institusionál no haforsa komunikasaun entre PCIC ho komunidade.
Serimónia refere realiza iha Salaun GMN Bebora, Dili.