Iha loron 06 fulan Jullu 2026, Sua Excelência Prezidente Tribunal de Recurso, Dr. Afonso Carmona, partisipa iha Enkontru Institusionál kona-ba Programa Justiça Itinerante husi Tribunal de Justiça do Estado do Rio de Janeiro (TJRJ), ne’ebé realiza iha Salão Nicolau Lobato, Palásiu Prezidensiál, Dili.
Enkontru ne’e hala’o ho tema“Apresentação do Programa Justiça Itinerante do Tribunal de Justiça do Estado do Rio de Janeiro e Diálogo sobre Cooperação no Acesso à Justiça”, ho objetivu atu fahe esperiénsia no boas prátikas kona-ba implementasaun programa justiça itinerante, nune’e mos hametin kooperasaun institusionál iha área asesu ba justisa.
Durante aprezentasaun, delegasaun husi Tribunal de Justiça do Estado do Rio de Janeiro esplika kona-ba mekanizmu no rezultadu implementasaun Programa Justiça Itinerante, ne’ebé hakarak hodi hakbesik servisu judisiáriu ba komunidade sira iha área remota no fasilita asesus sidadaun sira ba justisa.
Enkontru ne’e mos sai hanesan oportunidade ida aturealiza diálogu konstrutivu kona-ba possibilidade kooperasaun entre instituisaun sira iha área fortalese sistema judisiáriu, troka esperiénsia no dezenvolvimentu estratéjia sira atu aumenta asesibilidade no efisiénsia servisu justisa ba povu.