Díli, 08 Juñu 2026 – Sua Excelência Prezidente Tribunal de Recurso, Afonso Carmona, partisipa iha atividade formasaun ho tema “Formação de Assistência e Processo Penal aos Defensores Públicos e Advogados Privados”, ne’ebé realiza iha Centro de Formação Jurídica e Judiciária CFJJ, Caicoli Dili.
Atividade formasaun ne’e organiza atu hasa’e koñesimentu no kapasidade profisionál defensor públiku no advogadu privadu sira kona-ba matéria assisténsia jurídika no prosedimentu prosesu penal, hodi garante implementasaun lei ne’ebé efetivu no justisa ne’ebé asesível ba sidadaun hotu-hotu.
Iha serimónia abertura, Sua Excelência Ministru Justisa, Sergio de Jesus Fernandes da Costa Hornai, hato’o liafuan badak abertura nian. Iha nia intervensaun, Ministru Justisa subliña importánsia dezenvolvimentu kapasidade profisionál ba operador justisa sira, liuliu defensor públiku no advogadu privadu, atu bele fó servisu jurídiku ne’ebé ho kualidade, profissional no tuir prinsípiu Estado de Direitu Demokrátiku.
Partisipasaun husi Sua Excelência Prezidente Tribunal de Recurso iha formasaun ne’e hatudu kompromisu instituisaun judisiál sira atu kontinua apoia fortalese setór justisa no promove kooperasaun entre entidade relevante sira iha área administrasaun justisa.
Atividade ne’e espera bele kontribui ba aumentu koñesimentu tékniku no reforçu kompeténsia profisionál partisipante sira, hodi hasa’e efisiénsia no efetividade servisu jurídiku iha Timor-Leste.