Dili, 16 Setembru 2026 — Sua Exelénsia Prezidente Tribunal de Recurso, Dr. Afonso Carmona, partisipa iha serimónia resesaun ho títulu “Welcome to the Celebration of the 69th National Day and 63rd Malaysia Day Reception”, ne’ebé organiza iha okaziaun komemorasaun ba Loron Nasional Malásia no Malaysia Day reception fatin iha Palm Spring Fatuhada.
Serimónia komemorativa ne’e hetan partisipasaun husi Sua Exelénsia Presidente Repúblika Demokrátika Timor-Leste, membru Governu, reprezentante instituisaun Estadu no membru korpu diplomátiku akreditadu iha Timor-Leste, inklui embaixadór no embaixadora sira.
Iha serimónia ne’e, Sua Exelénsia Prezidente Tribunal de Recurso, Dr. Afonso Carmona, marka prezensa hanesan Órgaun Soberanu Tribunal nian, reprezentante instituisaun judisiária as liu Estadu nian. Prezensa ida-ne’e mos hamutuk ho partisipasaun hosi reprezentante sira hosi instituisaun soberanu seluk no membru korpu diplomátiku sira
Partisipasaun Sua Exelénsia Presidente Tribunal de Recurso iha eventu diplomátiku ida-ne’e reflete importánsia hosi relasaun institusionál no diplomátika entre instituisaun Estadu no reprezentasaun diplomátika sira iha Timor-Leste.
Resesaun ne’e nu’udar oportunidade importante atu promove no hametin relasaun amizade, respeitu no kooperasaun entre Repúblika Demokrátika Timor-Leste no Malázia, liuliu liuhosi interasaun no kontaktu entre autoridade aas Estadu, instituisaun públika no korpu diplomátiku.
Partisipasaun hosi Sua Exelénsia Presidente Tribunal de Recurso iha serimónia ne’e demonstra, mos, kompromisu instituisaun judisiária atu kontinua mantein relasaun institusionál ho entidade no reprezentante sira, tuir prinsípiu respeitu mútu no kooperasaun entre Estadu sira.