DILI, 30 Janeiru 2026 – Sua Exelénsia Prezidente Tribunál de Rekursu, Dr. Afonso Carmona, partisipa iha serimónia ofisiál hodi komemora Loron Repúblika Índia ba dala-77 (77th Republic Day of India), ne’ebé hala’o iha Hotel Timor, Dili.
Serimónia solene ne’e hahu ho kantu hinu nasionál husi nasaun rua, Repúblika Demokrátika Timor-Leste no Repúblika Índia, nu’udar sinál respeitu no amizade ne’ebé kle’an entre nasaun rua ne’e.
Eventu ne’e hetan onra boot ho prezensa husi autoridade Estadu nian, hanesan Sua Exelénsia Prezidente Repúblika, Sua Exelénsia Primeiru-Ministru, no Sua Exelénsia Prezidente Tribunál de Rekursu, ne’ebé hamutuk hodi fó ksolok ba povu Índia iha loron istóriku ida-ne’e.
Iha bibanne’e, intervensaunsirane’ebéhato’omak:
- Sua Exelénsia Embaixadora Índia: Iha ninia diskursu, Sua Exelénsia hato’o kona-ba progresu no jornada demokrásia Índia nian durante tinan 77, no reafirma kompromisu Índia nian atu kontinua hametin kooperasaun bilaterál ho Timor-Leste iha área oioin.
- Sua Exelénsia Prezidente Repúblika Timor-Leste: Iha ninia intervensaun, Sua Exelénsia fó parabéns ba povu no governu Índia. Xefe Estadu mós interese valór demokrásia no liberdade ne’ebé nasaun rua ne’e defende, no apresia apoiu ne’ebé Índia fó ona ba dezenvolvimentu iha Timor-Leste.
Solidariedade Diplomátika
Partisipasaun Sua Exelénsia Dr. Afonso Carmona iha selebrasaun ne’e hatudu solidariedade instituisionál entre orgaun soberania sira iha Timor-Leste no mós respeitu boot ba korpu diplomátiku. Eventu ne’e sai hanesan oportunidade ida hodi hametin liután relasaun amizade no kooperasaun diak.