Iha loron 10 fulan Abril 2026, Sua Exelénsia Presidente Tribunal de Recurso Dr. Afonso Carmona, partisipa iha serimónia assinatura kontratu entre Tribunal de Recurso ho kompania PT Perencanaan Jaya (Indonesia). Kontratu refere relasiona ho elaborasaun dezenhu Detallu Engenharia ba projetu konstrusaun edifísiu foun ba Supremu Tribunal de Justiça.
Serimónia assinatura kontratu refere partisipa mos husi autoridade relevante sira, inklui reprezentante Diretor Ezekutivu ADN, reprezentante Diretor SGP, reprezentante Diretor CNA, no mos Diretor Jerál husi Ministério das Obras Públicas.
Iha okaziaun ne’e, Sua Exelénsia Presidente Tribunal de Recurso, Dr. Afonso Carmona, hato’o ninia dezéju atu kompania PT Perencanaan Jaya bele alkansa susesu iha ezekusaun projetu importante ida ne’e. Hateten mos katak projetu refere sei kontribui signifikativu ba hametin sistema justisa no hadi’a servisu públiku iha Timor-Leste.