Iha loron 12 Juñu 2026, Sua Exelénsia Prezidente Tribunal de Recurso, Dr. Afonso Carmona, realiza enkontru koordenasaun ho Diretor Ezekutivu Centro Nacional Chega I.P., Sr. Hugo Maria Fernandes, atu diskute pedidu instalasaun plaka sinalizasaun ba sítiu istóriku ne’ebé iha importánsia ba memória no patrimóniu nasional, ne’ebe realiza iha Tribunal de Recurso, Caicoli-Dili.
Enkontru ne’e realiza ho objetivu atu harmoniza no fortalece kooperasaun entre instituisaun rua ne’e hodi asegura prosesu instalasaun plaka sinalizasaun bele implementa ho di’ak no tuir prosedimentu ne’ebé vigora.
Partisipa mós iha reuniaun ne’e mak Diretór DNAP, Sr. Gil Elias da Costa; Diretór DPM, Sr. Yazalde Manaka Savio; Xefe Departamentu DPM, Sr. Aventino de J.B. Ximenes; no Ofisial Memorializasaun, Sr. Evangelino L. de J. Marques.
Durante enkontru ne’e, partisipante sira troka informasaun no hanoin kona-ba aspetu tékniku no administrativu sira ne’ebé relevante ba instalasaun plaka sinalizasaun ne’e, ho objetivu atu promove preservasaun no valorizasaun sítiu istóriku sira, nune’e mós atu fasilita públiku hodi komprende liután valor istóriku no patrimóniu ne’ebé iha.
Tribunal de Recurso kontinua komprometidu atu apoia inisiativa sira ne’ebé promove preservasaun patrimóniu istóriku no haforsa memória kolektiva povu Timor-Leste liuhusi kooperasaun institusional ho entidade relevante sira.