Dili, 01 Jullu 2026 — Sua Exelénsia Presidente Tribunal de Recurso, Dr. Afonso Carmona, partisipa iha serimónia inaugurasaun Subestasaun Komoro no Rede Transmisaun 150 kV, ne’ebé realiza iha Fomentu, Komoro, Dili.
Inisiativa ida ne’e reprezenta atinjimentu importante ida iha área dezenvolvimentu infraestrutura eletrisidade nasional, ho objetivu atu reforsa sistema transmisaun no distribuisaun eletrisidade, hodi garante, fornese eletrisidade ne’ebé estavel, efisiente no fiável ba Capital Dili.
Serimónia ne’e hala’o ho prezensa husi Sua Exelénsia Primeiro-Ministru Kay Rala Xanana Gusmão, Sua Exelénsia Ministru Obras Públikas Sr. Samuel Marçal, Embaixadora Repúblika Popular Xina iha Timor-Leste, no Presidente Komisaun Ezekutiva EDTL, E.P., Dr. Paulo da Silva, hamutuk ho entidade sira seluk.
Atividade ida ne’e marka mos kooperasaun no kompromisu husi Governu no instituisaun relevante sira hodi kontinua hasa’e kualidade servisu eletrisidade nasional no apoia dezenvolvimentu Timor-Leste.