Díli, 03 Jullu 2026 – Sua Excelência Presidente Tribunal de Recurso Dr. Afonso Carmona partisipa iha The Solemn Ceremony to Bestow the Order of Timor-Leste (Grand Collar) upon His Excellency Lawrence Wong, Prime Minister and Minister for Finance of the Republic of Singapore, ne’ebé realiza iha Díli.
Serimónia solene ida ne’e lidera husi Sua Excelência Presidente da República, José Ramos-Horta, atu fó kondekorasaun Order of Timor-Leste (Grand Collar) ba Sua Excelência Lawrence Wong, Primeiru-Ministru no Ministru Finansas Repúblika Singapura. Kondekorasaun ida ne’e reprezenta forma aas liu husi Estadu Timor-Leste nia rekonesimentu ba kontribuisaun no amizade entre nasaun rua ne’e.
Durante serimónia, Sua Excelência Presidente da República, Dr. José Ramos-Horta, hato’o diskursu ida ne’ebé subliña importánsia relasaun amizade no kooperasaun entre Timor-Leste no Singapura. Iha diskursu ne’e, nia hateten katak parseria entre nasaun rua ne’e fó kontribuisaun boot ba dezenvolvimentu, estabilidade rejionál no fortalese relasaun diplomátika.
Iha oportunidade hanesan, Sua Excelência Lawrence Wong mos hato’o diskursu agradese ba povu no Governu Timor-Leste ba onra ne’ebé fó ba nia. Nia reafirma kompromisu Governu Singapura atu kontinua hametin kooperasaun bilateral ho Timor-Leste iha área sira hanesan dezenvolvimentu rekursu umanu, governasaun, edukasaun no dezenvolvimentu ekonomia.
Partisipasaun husi Sua Excelência Presidente Tribunal de Recurso iha serimónia ne’e hatudu kompromisu instituisaun judisiária iha apoiu ba eventu estadu no atividade diplomátika importante sira, ne’ebé fortalece relasaun entre Timor-Leste ho komunidade internasionál.