Díli, 21 Outubru 2026 — S. Exélensia Prezidente Tribunál Rekursu, Dr. Afonso Carmona, hamutuk ho membru sira Konsellu Superior da Magistratura Judisial, partisipa iha enkontru ne’ebé hala’o tuir konvite husi Sua Exelénsia Prezidente Repúblika no Sua Exelénsia Primeiru-Ministru. Enkontru ne’e realiza iha Palásiu Prezidensiál Nicolau Lobato, Díli.
Enkontru ne’e hala’o nu’udar parte husi interasaun institusionál entre lideransa Estadu no membru sira Konsellu Superior da Magistratura Judisial, hanesan órgaun importante iha sistema judisiáriu Timor-Leste nian.
Partisipasaun Prezidente Tribunál Rekursu, Dr. Afonso Carmona, hamutuk ho membru sira Konsellu Superior da Magistratura Judisial, hatudu prezensa institusionál husi órgaun judisiáriu iha enkontru ne’ebé hala’o ho konvite husi Prezidente Repúblika no Primeiru-Ministru.
Enkontru ne’e mos sai oportunidade atu hametin komunikasaun no relasaun institusionál entre entidade sira Estadu nian, ho respeitu ba knaar no responsabilidade ne’ebé instituisaun ida-idak hala’o tuir Konstituisaun no ne’ebevigora iha Repúblika Demokrátika Timor-Leste.
Konsellu Superior da Magistratura Judisial iha knaar importante iha jestaun no administrasaun magistratura judisiál, tuir kompeténsia ne’ebé lei atribui ba órgaun ne’e. Nune’e, partisipasaun membru sira iha atividade institusionál hanesan ne’e iha relevánsia ba diálogu entre instituisaun sira Estadu nian.
Partisipasaun iha enkontru ne’e reprezenta prezensa Tribunál Rekursu iha atividade institusionál ne’ebé halibur reprezentante sira hosi órgaun importante Estadu nian, iha espíritu kooperasaun, diálogu no respeitu ba papél konstitusionál instituisaun ida-idak nian.