Dili, 01 Outubru 2026 — Tribunal de Recurso, hamutuk ho PT. Perentjana Djaja, realiza Kick-off Meeting ba projetu Edifísiu Supremu Tribunal de Justisa. Enkontru ne’e realiza iha Sala Konsellu Tribunal de Recurso, no nu’udar enkontru daruak entre Tribunal de Recurso no PT. Perentjana Djaja.

Enkontru ne’e partisipa husi Sua Excelénsia Prezidente Tribunal de Recurso, Diretór-Jerál Tribunal de Recurso, Diretór-Jerál DGHU-MPO, Diretór Nasionál Laboratóriu MOP, no Diretór Ezekutivu Ajénsia Dezenvolvimentu Nasionál (ADN), hamutuk ho ekipa téknika husi kompanhia PT. Perentjana Djaja.
Kick-off Meeting ne’e iha objetivu atu kontinua koordenasaun no diskusaun entre entidade relevante sira kona-ba preparasaun no dezenvolvimentu projetu Edifísiu Supremu Tribunal de Justisa. Enkontru ne’e mós fó oportunidade ba parte sira atu troka informasaun, diskute aspetu tékniku no planeamentu, no identifika prioridade sira ne’ebé presiza konsidera iha prosesu implementasaun projetu.

Enkontru ne’e konsidera importante hodi hametin koordenasaun entre Tribunal de Recurso, entidade governamentál relevante sira no PT. Perentjana Djaja, ho objetivu atu asegura katak prosesu preparasaun no implementasaun projetu bele lao ho di’ak, tuir planeamentu no nesesidade instituisaun nian.
