Tribunal de Recurso Selebra Kontratu Akuizisaun Fornesimentu Material Limpeza ba Tribunal Judisiál Primeira Instánsia Sira

Díli, 31 Julho  2026 – Tribunal de Recurso selebra Kontratu Akuizisaun Fornesimentu Material Limpeza ba Tribunal Judisiál Primeira Instánsia sira, iha edifísiu Tribunal de Recurso, Rua Caicoli, Díli, Timor-Leste.

Kontratu ne’e halao entre Tribunal de Recurso, ne’ebé reprezentadu husi Sua Exelénsia Prezidente Tribunal de Recurso, Dr. Afonso Carmona, nu’udar Primeiru Outorgante, no Simlos Alba, Unipessoal, Lda., ne’ebé nia sede iha Rua Avenida de Portugal, Fatuhada, Postu Administrativu Dom Aleixo, Díli, Timor-Leste, reprezentada husi  Diretora, Sra. Olivia Carvalho G. Pereira, nu’udar Segundu Outorgante.

Kontratu ida-ne’e refere ba fornesimentu material limpeza ba Tribunal Judisiál Primeira Instánsia sira, ne’ebé hala’o liu husi prosedimentu aprovizionamentu ho tipu Solisitasaun de Kotasoens, tuir Artigu 37 no Artigu 81 husi Decretu-Lei Númeru 1/2025, loron 8 Janeiru, kona-ba Kódigu Aprovizionamentu Kontratu Públiku no Infrasaun sira Relasiona ho Kontratu Públiku.

Prosesu aprovizionamentu refere hetan autorizasaun husi despaxu Sua Exelénsia Prezidente Tribunal de Recurso, loron 4 Marsu 2026, ne’ebé exarada iha Informasaun Númeru 08/Adm.DNGFP/TR/III/2026, no ikus mai ajudikasaun hetan aprovasaun tuir desizaun ne’ebé fó sai iha loron 1 Julho 2026.

Iha serimónia selebrasaun kontratu ne’e, marka prezensa mos husi Diretor-Jerál Tribunal de Recurso, funsionáriu sira husi unidade aprovizionamentu, no mós funsionáriu sira seluk husi Tribunal de Recurso.

Selebrasaun kontratu ida-ne’e demonstra komitmentu Tribunal de Recurso atu asegura disponibilidade material limpeza ne’ebé sufisiente ba Tribunal Judisiál Primeira Instánsia sira, hodi apoiu manutensaun ambiente servisu ne’ebé moos, saudavel no apropriadu ba prestasaun servisu judisiáriu.